Marku 13:9 - Bhiblia Yo Sawuleka

⁹ “Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Marku 13:9 Referans Kwoze

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Marku 13:5

Jesu a to khata ku va gela a txi khene: “Ti woneleni ti to mi si thuki mi wongwa ngu m'thu.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

2 Vatesalonika 1:5

Sotshe siya, njikombiso txa kulamula ko lulama ka Txizimu; si humelela kasiku mi va ni fanelo ya Mfumo wa Txizimu, wu mi xanisekako ngu mhaka ya wona.

Vafilipiya 1:29

nguko txona txi mi ningile kateko, masoni ka Kristu, kateko yo kholwa kwakwe, ni yo xaniseka ngu ngene,

Mithumo 21:11

Ene a to hi tshuketela e teka libhande la Paulo, a txi ti sunga ngu lona minenge ni mawoko, a txi khene: “Moya wo Sawuleka wu womba tiya: ‘Vajudha va na ya sungisa tona tiya, Jerusalema, dijaha di i ku nyamne wa libhande liya, se va na di ningela manzani ka vamatiko.’ ”

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Johani 15:20

Khumbukani dipswi di ni nga mi gela, mbimo yi ni nga khani: ‘Txithumi hi nga txa hombe ka nyamne wa txona.’ Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu.

Luka 9:5

Kambe ava va si mi amukeliko, ngako mi txi huma mtinimo, huphutani lithulu la mikondo yanu, kasiku ti na maha wufakazi kwawe.”

Marku 6:11

Ngako ka wukhalo wokari, va si mi amukeli, mwendo va si mi engisi, mbimo yi mi humako, huphutani lithulu la mikondo yanu ngu wufakazi wa ku va sola.”

Marku 1:44

a txi khene kwakwe: “U nga thuke u txi womba txilo ka m'thu, aniko tsula u txi ya ti kombekisa ka mphaxeli, u txi maha mningelo wa kubasiswa kwako, kota nga kuruma ka mlayo wu wu nga leletwa ngu Mosi, kasi kumaha wufakazi kwawe.”

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Marku 13:8

Nguko ditiko di na wukela ditiko, mfumo wu na wukela mfumo, kutsekatseka ka mafu ku na vaho ka tiphuho to tala, ni tipaya ti na vaho. Eto ngu khata ka kuxaniseka.”

2 Johani 1:8

Ti woneleni kasi ku mi si mwalati mihando ya kutikarata kwanu; aniko mi fanete kumana hakhelo yi yi dinganako.