Marku 13:8 - Bhiblia Yo Sawuleka

⁸ Nguko ditiko di na wukela ditiko, mfumo wu na wukela mfumo, kutsekatseka ka mafu ku na vaho ka tiphuho to tala, ni tipaya ti na vaho. Eto ngu khata ka kuxaniseka.”

Marku 13:8 Referans Kwoze

Matewu 24:8

Totshelele tiya ti nava i di kukhata ka sixaniso.”

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

Mtuletelo 6:4

Se ku to humelela dimwani dihantxhi, do bhilivila, se mgadhi wa dona a ti ningilwe mtamo wo thavisa kudikha ha mafuni, kasiku vathu ve dayana vapune. A ningilwe kambe ditxhari da hombe.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Mithumo 11:28

Mmweyo wawe, awu va ku i Agabho, a to khukha a txi ema, e profeta ngu Moya ti to nzala ya hombe yi na vaho ka dotshe ditiko. Kha ditshuri yi humelete kufumani ka Klawudhiyo.

Zakariya 14:13

Ka ditshiku donedo, ku na maheka ti to ku va ni pfilu-pfilu ya hombe ya Mkoma, hagari kwawe; nguko mmwani ni mmwani a na ñola dianza da mkwawe, mmwani ni mmwani a na nawuluta diwoko e lwisa mkwawe.

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.

Jeremiya 49:24

Dhamasku a hetile mtamo; a tshurate, a lava kututuma, a ñotwe ngu kuthava: Xomulo ni kupandiseka si va ñote, kufana ni ka wolava kuhefemula.

Jeremiya 25:32

Mkoma wa Mabutho a Tiyimbi a khene: Dikhombo di na ya ka ditiko dimwedo ni dimwani, txi na huma txingulu txo thaviseka ngu magwito ka mafu.

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 6:24

Hi pfite nduma yawe, mawoko athu ma guma mtamo; hi tetwe ngu msanekera, ni kupanda nga ka wamsikati wu a lumwako.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Marku 13:7

Ngako mi txi pfa tiyimbi ni nduma ya tiyimbi, mi nga thaveni, nguko ati ti fanete kuhumelela. Aniko hi nga ona magwito.

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.