Marku 13:7 - Bhiblia Yo Sawuleka

⁷ Ngako mi txi pfa tiyimbi ni nduma ya tiyimbi, mi nga thaveni, nguko ati ti fanete kuhumelela. Aniko hi nga ona magwito.

Marku 13:7 Referans Kwoze

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Matewu 18:7

Di na ni dikhombo ditiko ngu mhaka ya sikhuvekiso! Kha ditshuri sikhuvekiso si fanete ku va ho, aniko ana ni dikhombo m'thu wuwa sikhuvekiso si tako ngu kwakwe.

Jeremiya 51:46

Aniko yi nga karale mbilu yanu, kambe mi nga thaveni wudhumo wo pfala ditikoni, nguko ku nata ka dilembe dimwedo wudhumo, se ngu ka dimwani dilembe wu txi ta wumwani wudhumo; kambe ku na vaho kulwa ditikoni, mkhozisi a txi wukela mmwani mkhozisi.

Isaya 8:12

Mi nge khanu njikungo, ka totshe ti vathu vava va ku kha vona njikungo; mi nga thaveni kudhukisela kwawe, hambi kukarateka ni ka kudotho.

Mavingu 3:25

U nga thave tiphango ti titako ngu txidhukisa, hambi kuxaselwa ka vaonhi kutxita.

Masalmo 112:7

Kha kanakani ngako a txi engisa timhaka to biha, nguko mbilu yakwe yi tsani ni kuthemba Mkoma.

Masalmo 27:3

Hambi ngako dibutho da yimbi di txi ni randela, kha ni na mbi va ni dizowa; hambi ngako valala ve xoma va txi ni talela, ani ni na maneka ni di tsani.

2 Samuwele 14:14

Nguko kha ditshuri hi na fa, hi fana ni mati a makhulungako ha mafuni, ale ma si sengeletananiko kambe. Txizimu koko kha txi thavisi wutomi wa m'thu, kambe kha txi leki kumaha makungo o wuyisa wule a nga tovelwa.

Johani 14:1

“Timbilu tanu ti nga karateke: Kholwani ka Txizimu, mi txi kholwa ni kwangu.

Matewu 2:3

Se a txi engisa tiya Herodha, a to dhuka ngutu, ene ni dotshe didhoropa da Jerusalema.

Marku 13:6

Nguko votala va nata ngu ditina dangu, va txi kha vona: ‘Ani ngani ene.’ Kambe va na timeta va votala.

Marku 13:8

Nguko ditiko di na wukela ditiko, mfumo wu na wukela mfumo, kutsekatseka ka mafu ku na vaho ka tiphuho to tala, ni tipaya ti na vaho. Eto ngu khata ka kuxaniseka.”