Marku 13:6 - Bhiblia Yo Sawuleka

⁶ Nguko votala va nata ngu ditina dangu, va txi kha vona: ‘Ani ngani ene.’ Kambe va na timeta va votala.

Marku 13:6 Referans Kwoze

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 5:43

Ni tile ngu ditina da Tate wangu, aniko kha mi ni amukeli. Ngako a txi ta mmwani ngu ditina dakwe, mi na mu amukela.

Matewu 24:11

Va na humelela vaprofeti vavangi va makuhu, ava va no timeta vathu votala.

Matewu 24:5

Nguko va nata vavangi ngu ditina dangu, va txi kha vona: ‘Ngani Kristu’, va txi xenga vathu votala.

Jeremiya 14:14

Mkoma a to ni xamula, a txi khene: Vaprofeti va profeta makuhu ngu ditina dangu; kha na va ruka, kha na va laya; kha na womba txilo kwawe. Va profeta kwangu siwoniso sa makuhu ni kuhuta, ta walo to divalisa timbilu tawe.

Marku 13:5

Jesu a to khata ku va gela a txi khene: “Ti woneleni ti to mi si thuki mi wongwa ngu m'thu.

Marku 13:7

Ngako mi txi pfa tiyimbi ni nduma ya tiyimbi, mi nga thaveni, nguko ati ti fanete kuhumelela. Aniko hi nga ona magwito.

Johani 8:28

Jesu a to va gela a txi khene: “Mbimo yi mi no guleta Mwanana wa M'thu, ngu konaho mi no tiziva ti to ‘Ngani Wuwa’, ni ti to kha ni thumi txilo ngu txangu nokha, aniko ni womba ti ni nga gondiswa ngu Tate.