Marku 13:35 - Bhiblia Yo Sawuleka

³⁵ Ngu toneto, ti woneleni, nguko kha mi yi zivi mbimo yi a no wuya ngu yona nyamne wa m'ti, mwendo ni minova, mwendo ni hagari ka wusiku, mwendo mbimo yi wu embako mkuku, mwendo ni mixo.

Marku 13:35 Referans Kwoze

Marku 13:33

Ti woneleni, rinzelani, khongelani, nguko kha mi tizivi taku i nava mbimo muni.

Matewu 24:42

Wonelelani, nguko kha mi di zivi ditshiku di a nota ngu dona Mkoma wanu.

Matewu 24:44

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”

Marku 14:30

Jesu a to mu xamula a txi khene: “Kha ditshuri na kugela ti to nyamsi, ka wona wusiku wuwa, na mkuku wu sinzi kuemba kambidi, awe u na ni lamba kararu.”

Marku 6:48

Se e va wona va txi karateka ngutu ngu kutxungela, nguko moya wu ti va lambela. Ku ti ngako ku txi lava kumaha mbimo ya kuwonelela ka wumune ka wusiku, a to ta kwawe, na a txi tsimbila txitimwi ka digova a txi nga wo va pinda eya masoni.

Matewu 14:25

Ngu txikhati txa wumune txa kupilela, Jesu a to va yela, na a txi tsimbila ngu txitimwi ka mati.

Matewu 24:43

Ti engiseni kha kwati atiya: Idiku nyamne wa m'ti wo yi ziva mbimo ya wusiku, yi di nota ngu yona dikhokhokho, nga a txi zumba a di rinzete, ti to nyumba yakwe yi si faywi.

Marku 13:37

Ati ni wombako kwanu, ni ti womba ka votshe; ni khani: Wonelelani!”