Marku 13:33 - Bhiblia Yo Sawuleka

³³ Ti woneleni, rinzelani, khongelani, nguko kha mi tizivi taku i nava mbimo muni.

Marku 13:33 Referans Kwoze

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Luka 12:40

“Nananu, zumbani mi di ti lulamisete, nguko Mwanana wa M'thu a nata ngu txikhati txi mi si txi pimiko.”

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

Mtuletelo 3:2

Wuka u txi khutala. Tsanisa asi si nga sala, si lavako kufa, nguko mithumo yako kha na yi mana yi di hetisekile masoni ka Txizimu.

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

Marku 13:23

I di anu, ti woneleni. Ani ni songolete ku mi gela totshe.”

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Vakolosa 4:2

Simamani mi khongela, mi txi khutalela kona mikombeloni, na mi txi bonga,