Marku 13:31 - Bhiblia Yo Sawuleka

³¹ Nzuma ni mafu si na pinda, kambe mapswi angu kha ma na mbi pinda.”

Marku 13:31 Referans Kwoze

Isaya 40:8

Mwasi wa oma, se siluva sa mora, aniko dipswi da Txizimu txathu da zumba kala kupinduka.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Luka 21:33

Nzuma ni mafu si na pinda, aniko mapswi angu kha ma na mbi pinda.”

Matewu 5:18

Nguko kha ditshuri na mi gela ku khani: Ku na za ku txi pinda nzuma ni mafu, na txima ku sa pfhutwa ni m'bhalo wawumwewo hambi ni txisesana txidotho txa Mlayo kala totshe ti txi tatiseka!

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

2 Timoti 2:13

ngako hi si thembeki, ene a na zumba a di thembekile, nguko kha na ku ti kaneta apune.”

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Marku 13:30

Kha ditshuri na mi gela: Liveleko liya kha li na mbi pinda, na totshe tiya ti sa maheka.

Marku 13:32

“Se ngu mhaka ya ditshiku da kona ni txikhati txa kona, awalo asi zivako, hambi tingelozi ta nzumani, hambi ene Mwanana; hahanze ka Tate.

2 Vafumeli 15:12

Adiya ngu dona dipswi dile Mkoma a ngadi womba ka Jehu, a txi khene: Vanana vako kala ka liveleko la wumune, va na zumba ha txikhaloni txa wukoma txa Israyeli. Se ti to mahekisa toneto.