Marku 13:27 - Bhiblia Yo Sawuleka

²⁷ Ene a na rumela tingelozi takwe, ti txi tshanganisa votshe vale va nga sawulwa, va otshe madhawa a mune, kukhukhela magemeta-mitshi ka mafu kala magemeta-mitshi ka nzuma.”

Marku 13:27 Referans Kwoze

Zakariya 2:6

Yaho! Anu! Tutumani, ngu ditikoni ka Wuphemba, kuwomba Mkoma, nguko ni mi hangalasile ku nga mune wa mimoya ya nzumani, kuwomba Mkoma.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Dhewuteronome 30:4

Hambi ngako vathu vako va di tutumisilwe va txi ya manekela magwito ka nzuma, koneyo Mkoma, Txizimu txako, a na va buthanisa, a txi va wuyisa ngu kona.

2 Vatesalonika 2:1

I di ta kuwuya ka Jesu Kristu, Mkoma wathu, ni ta kusengeletana kwathu nayo, vanathu,

Luka 16:22

Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”

Marku 13:20

Idiku Mkoma kha komisa masikuyo, nga ku si huluki m'thu; aniko ngu mhaka ya va a nga va sawula, a komisile masikuyo.”

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

2 Timoti 2:10

Ngu konaho ni timiselako ka totshe, ngu mhaka ya vasawulwa, kasiku ni vona ve mana kuhanyiswa kuwa kuhumako ngu ka Kristu Jesu, kumweko ni kupfaliswa ko mbi guma.

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Varoma 8:33

I mani a no mangalela avale va nga sawulwa ngu Txizimu kani? Txizimu ngu txona txi lamulako ti to vona mbalulami!

Johani 11:52

Na i si nga kufela ditiko donari, aniko kumweko ni kusengeleta mpatanoni vanana va Txizimu, va nga hangalaka.

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Matewu 13:49

Ngu toneto, ti no maheka kugumani ka ditiko: Tingelozi ti na huma ti tekela ava vo biha hagari ka va vo lulama.

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Isaya 65:9

Kambe ni na humisa lixaka ngu ka Jakobe ni ka Judha, txidya-thomba txa mimango yangu, se vasawuleki vangu va na ningwa ditiko, ni sithumi sangu si na zumba ka dona.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Marku 13:28

“Gondani ngu txifaniso txa mkuwu. Ngako madhavi a wona ma di thambile, se ku txi thunga mazokoro, ma tiziva ti to malanga ma hafuhi.