Marku 13:2 - Bhiblia Yo Sawuleka

² Jesu a txi khene kwakwe: “Wa ti wona tinyumba tiya ta hombe kani? Kha ku na mbi sala dirigwi txitimwi ka dirigwi, adi di no mbi khundumuswa.”

Marku 13:2 Referans Kwoze

Luka 21:6

“Mata masiku, aawa, ka sotshe si mi si wonako, ku no mbi sala dirigwi txitimwi ka dirigwi: Sotshe si na khundumuselwa.”

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Mithumo 6:14

nguko athu hi muengisile, a txi khene: “Jesu wa Nazareta a na fuvisa Wukhalo wuwa e txitxa ni mahanyelo awa hi nga ningwa ngu Mosi.”

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.