Marku 13:1 - Bhiblia Yo Sawuleka

¹ Ku ti ngako a txi huma Dithepeleni, mmweyo wa vagondiswa vakwe a ti khene kwakwe: “M'gondisi, hinga wona kuxamalisa ka marigwi awa ni maakelo a tinyumba ta kona!”

Marku 13:1 Referans Kwoze

Ezekhiyele 10:19

Se makerubhima ma to guleta tibhapi ta ona, me guleka ngu ha mafuni, na ni txi ma wona, mbimo yile ma nga khukha; se madangarita ma to ma heleketa ma txi ta ema ka txike txa didhawa da wutxani ka Nyumba ya Mkoma; se wudhundo wa Txizimu txa Israyeli, wu ti ti ngu txitimwi ka ona.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Ezekhiyele 8:6

Se Txizimu txi to kha txona kwangu: Awe mwanana wa m'thu, Ina wa ti wona ti va mahako kani? Kunyenyeza ka hombe kumahwako ngu nyumba ya ka Israyeli hawa, kasi ku ni khukha ka wukhalo wangu wo sawuleka kani? Aniko u ngadi u txi na wona manyala a hombe kupinda awa.

Jeremiya 51:61

Se Jeremiya a ti khene ka Serayasi: Aha u no hoka Bhabhilona, u na ma wona ni kugonda otshe mapswi awa.