Marku 12:9 - Bhiblia Yo Sawuleka

⁹ Nyamne wa thembwe a na maha txani kani? A nata a ta fuvisa vadimi, se thembwe ya mivhinya a na yi ningela ka vamwani.

Marku 12:9 Referans Kwoze

Varoma 10:20

Ni Isaya wa tsana a txi womba ku khene: “Ni manwi ngu va va nga mbi ni lava; ni ti kombisile ka vale va nga ti si wotiseli ngu ngani.”

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Matewu 12:45

Sekoko moya wule wu to ya dhana yimwani mimoya ya mtxhanu ni yimbidi, ya nzambwa ngutu kupinda wona, se yi wulela yi zumba konemo. Se mazumbelo o gwitisa a m'thu wule ma na pinda o khata ngu kubiha. Ku na mahisa toneto ka lona liveleko liya la tshofu.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Jeremiya 17:3

O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

Isaya 29:17

Ina Libhanoni kha na kuhunduluka, ngu mbimo yayidotho, eva thembwe yo nona kani? Se thembwe yo nona kha yi na kumaha txitinga kani?

Joxuwa 23:15

Se kufana ni kuwa ma nga maheka otshe mapswi ale amanene a nga ma womba kwanu ene Mkoma, Txizimu txanu, nga toneto kambe Mkoma a na mi wuyisela sotshe sile so biha, kala kuza a txi mi fuvisa ka ditiko diya da dinene, adi Mkoma, Txizimu txanu, a nga mi ninga.

Matewu 21:34

Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Marku 12:8

Se ve mñola, ve m'daya, ve mu tshotsha hahanze ka thembwe ya mivhinya.

Marku 12:10

Kha mi nzi kugonda mibhalo yi yi ku: ‘Dirigwi diya vaaki va ngadi nyenya, ngu dona di nga mahwa da hombe do tsanisa.