Marku 12:7 - Bhiblia Yo Sawuleka

⁷ Aniko vadimi va to langana, va txi kha vona: ‘M'dyi wa thomba ndiyo! Ngonani hi ta m'daya, thomba yi na maha yathu.’

Marku 12:7 Referans Kwoze

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Marku 12:12

Va ti lava ku mñola, aniko ve thava dibutho ngukuva va di ti pfite ti to a womba-womba ngu vona ka txidinganiso txiya. Se ve mu leka, ve tsula.

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Genesisi 37:20

Ngonani hi ta m'daya hi txi mrinza amu ka diphala dokari, hi na ya womba ti to txihari txokari txa txitinga txi m'date, txi txi m'dya. Hi lava kuwona ti to miloro yakwe yi na thuma txani!”

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Matewu 21:34

Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Marku 12:6

Kambe ngu kuva a di ngadi ni mwanana wammweyo, awu a randekako, nene a mu rumile kwawe, ngu kugwitisa, a txi khene: ‘Va na thava mwanana wangu.’

Marku 12:8

Se ve mñola, ve m'daya, ve mu tshotsha hahanze ka thembwe ya mivhinya.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.