Marku 12:5 - Bhiblia Yo Sawuleka

⁵ A to engeta e va rumela mmwani; aniko eyo va to so m'daya. Se e ruma vamwani votala, ku txi pekwa vamwani, vamwani ve dawa.

Marku 12:5 Referans Kwoze

Luka 6:36

Telwani ngu wunene, nga Tate wanu nene a ku ni wunene.”

Marku 9:13

Kambe na mi gela ti ta ku Elija a tile, se va mmahile totshe ti va nga ti lava, kota nga ti ti nga bhalwa ngu mhaka yakwe.”

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Matewu 22:6

Vamwani va to ñola sithumi ve si xanisa ni ku si daya.

Matewu 5:12

Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Marku 12:4

A to engeta e ruma tximwani txithumi kwawe. Aniko nene va to mu balisela msungo, va txi mu wisa tingana.

Marku 12:6

Kambe ngu kuva a di ngadi ni mwanana wammweyo, awu a randekako, nene a mu rumile kwawe, ngu kugwitisa, a txi khene: ‘Va na thava mwanana wangu.’