Marku 12:42 - Bhiblia Yo Sawuleka

⁴² Se a txi ta mmweyo wa noni, i nga ti txisiwana, a ta ningela simaleana simbidi, sa sidotho.

Marku 12:42 Referans Kwoze

Matewu 5:26

Ngu ditshuri na kugela ku khani: Eho khu na mbi humiswa kala kuza u txi dihela yotshe male.”

Marku 12:41

Msana keto, Jesu a to khalahatsha hafuhi ni hawa va vekako kona male ya miningelo, a txi wonetela ati vathu va ningelisako tona. Vavangi va nyatithombe va txi thela male yayingi.

Marku 12:43

Jesu a to dhana vagondiswa vakwe a txi khene: “Kha ditshuri na mi gela ni khani: Awu wa noni, wa txisiwana, a vekile mu ka msengo male yayingi ngutu kupinda votshe.

Luka 12:59

Na kugela ku khani: Txima khu na mbi huma u sa diha male yotshe.”

Luka 21:2

A to wona ni wamsikati wa txisiwana, wa noni, a txi veka konamo simaleana simbidi.

Ndando ya Tindando 8:1

Oh! I ti ku wo va ndiyangu, wule a nga mama tshumbu ya mame wangu, ni ndi no mbimo yi hi tshanganako ruwani, ni ku pswompswa, ni si solwi ngu m'thu.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

2 Vakorinto 8:2

Hagari ka mihumbo ya kuxaniseka ka hombe, ayi ma nga dukwa ngu yona, kambe kutsaka kwawe ku to engeteleka, se hagari ka wusiwana wawe wa hombe va to humisa msengo wawe ngu wuha wa kupindisa mpimo.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.