Marku 12:37 - Bhiblia Yo Sawuleka

³⁷ Se akuwa Dhavhidha a m'dhanako ku i Mkoma, a nga va mwanakwe ngu ha ko txani kani?” Se dibutho di da hombe di ti mu engisa ngu kutsaka.

Marku 12:37 Referans Kwoze

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

Johani 12:9

Se Vajudha vavangi, ngako va di engisile ti to Jesu waho konaho, va to ya, na i si nga kuyela kuya wona Jesu dwe, aniko i ti kuyela kuya wona Lazaro nene, awu ene a nga ti mwusile ka vafi.

Luka 21:38

Se votshe vathu va ti vindukela ve ta kwakwe, Dithepeleni, kasi ku ta mu engisa.

Luka 19:48

Aniko ve tandeka kumana nzila yo ti maha eto, nguko votshe vathu va ti namarete ka mapswi akwe, va txi mu engisa.

Matewu 21:46

Se va ti lava ku mñola, aniko va to thava dibutho da vathu, nguko vona va ti ti m'ziva nga mprofeti.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Matewu 21:45

Vaphaxeli va hombe ni Vafarisi, ngako va txi engisa sidinganiso sakwe, va to ti mana ti to a womba-womba ngu vona.