Marku 12:31 - Bhiblia Yo Sawuleka

³¹ Wa wumbidi ngu wuwa: ‘U na randa muakelani wako, nga ti u ti randisako tona awe upune.’ Kha wu nga ho wumwani mlayo wo pinda yiya.”

Marku 12:31 Referans Kwoze

Matewu 22:39

Txirumo txa wumbidi txi fanana ni txona txiya: ‘Randa muakelani wako nga ti u ti randisako tona awe upune.’

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

Luka 10:27

Ene a to xamula a txi khene: “Randa Mkoma Txizimu txako, ngu yotshe mbilu yako, ngu wotshe moya wako, ngu yotshe mitamo yako ni otshe mapimo ako; u na randa kambe muakelani nga ti u ti randisako tona awe.”

Matewu 7:12

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Vagalatiya 5:14

Nguko wotshe Mlayo wu tshanganiswa ka dipswi dimwedo, adi di ku: “Randa muakelani, nga ti u ti randisako tona.”

1 Johani 4:21

Txirumo txi hi nga txi amukela kwakwe Jesu Kristu ngu txiya: Awu a randako Txizimu, a na rande ni mwanawe.

Levhi 19:13

U nga xuphe mkwanu kambe u nga mpele sakwe; muholo wa mthumo wu a thumako u nga zumbe nawo manzani kwako, kala ditshiku da mangwana.

Marku 12:32

Se m'bhali a to khene kwakwe: “U womba tona, M'gondisi! Kha ditshuri, eto, u ti womba ngu kona, tito: ‘Txizimu ngu txona txokha i ku Mkoma, hahanze ka txona, kha nga ho mmwani’;