Marku 12:29 - Bhiblia Yo Sawuleka

²⁹ Jesu a to mxamula a txi khene: “Wo khata ngu wuwa: ‘Israyeli, engisa: Mkoma, Txizimu txathu, ngene ekha i ku Mkoma.

Marku 12:29 Referans Kwoze

Dhewuteronome 6:4

Engisa awe Israyeli, Mkoma, Txizimu txathu, Mkoma mmweyo dwe.

Luka 10:27

Ene a to xamula a txi khene: “Randa Mkoma Txizimu txako, ngu yotshe mbilu yako, ngu wotshe moya wako, ngu yotshe mitamo yako ni otshe mapimo ako; u na randa kambe muakelani nga ti u ti randisako tona awe.”

Vagalatiya 3:20

Se mtshanganisi kha tshanganisi m'thu mmweyo dwe. Kasi Txizimu txona njimwetxo dwe.

Varoma 3:30

Nguko Txizimu njimwetxo dwe, atxiya txi no ninga wululami ava i ku va wukwera ngu mhaka ya kukholwa, ni va i ku makhutu na va txi kholwa ni vona.

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Jakobe 2:19

Awe wa kholwa ti to txi ho Txizimu tximwetxo txokha, kani? Ndinene! Aniko alakanya ti to madhimoni ni ona ma kholwa, kambe ma dhudhumela.

1 Timoti 2:5

Nguko Txizimu njimwetxo dwe txi kuho, se ni m'thu mmweyo a kuho hagari ka Txizimu ni ka vathu, ku Jesu Kristu m'thu mnene,

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Matewu 23:9

Ha mafuni hawa, m'thu mi nga mu dhaneni ku i tate wanu, nguko Tate wanu mmweyo, awule a ku nzumani.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Dhewuteronome 10:12

“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako,

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!