Marku 12:2 - Bhiblia Yo Sawuleka

² Ngu mbimo ya kona, a to ruma txithumi ka vadimi ti to txi ya amukela mitxelo ya mivhinya.

Marku 12:2 Referans Kwoze

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Luka 20:10

Ngako yi di hokile nyango, a to ruma txithumi ka vadimi ti to ve txi ninga mihando yokari ya vhinya. Aniko vadimi va to mu peka, ve mu tshumeta a si nga ni txilo.

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Matewu 21:34

Mbimo yi ku nga hoka nyango ya kuelula, a to ruma sithumi sakwe ka vadimi kasi kuya amukela mitxelo yakwe.

Zakariya 7:7

Ina anu kha ma mapfa mapswi ale Mkoma a nga ma txhumayela, ngu mthumo wa vaprofeti vo khata, mbimo yile Jerusalema a nga ti ngadi ni vathu, na a di thuthile, ni kuranganyetwa ngu madhoropa akwe, se Wulambwe ni libalani, ku ti ti ni vathu kani?

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Ezra 9:11

ayile u nga rumela ni sithumi sako, i ku vaprofeti, u txi khawe: Ditiko diya mi wulelako ka dona kuya di teka, ditiko da nzambwa ngu mhaka ya wubihi wa vathu va dona, ngu sinyenyeko siya, asi amu ka wukanganyisi wawe, va ngadi tata, kukhukhela magwito an'ze magwito kambe.

2 Makronika 36:15

Mkoma Txizimu txa vatate vawe a va rumete dipswi dakwe ngu mitumi yakwe, nguko Mkoma a pfete wusiwana vathu vakwe ni Nyumba yakwe.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Marku 12:3

Kambe vona va to mñola, ve mu peka, se ve mu tshumeta asi na txilo.