Marku 11:8 - Bhiblia Yo Sawuleka

⁸ Vathu vavangi va txi ateta tinguwo tawe ha nzila, vamwani va txi veketela matshanzu awa va nga ti gangete tithembweni.

Marku 11:8 Referans Kwoze

Levhi 23:40

Ka ditshiku do khata, mi na hapha mihando yo tshamba, madhavi a mindonga yo tshura, madhavi a mitxhese, madhavi a mindonga yo txhuma, ni mipfhuwu ya mnamboni; kambe mi na tsaka, mi giya masoni ka Mkoma, Txizimu txanu, amu ka mtxhanu wa masiku ni mambidi.

2 Vafumeli 9:13

Sekoko va to kuluveta m'thu ni m'thu a to teka txyambalo txakwe, e ateta hahatshi ka txikando txo guleka ngutu, va to veta mpundu va txi kha vona: Jehu wa fuma!

Matewu 21:8

Se vathu votala ngutu, va txi ateta tinguwo tawe ha nzila, vamwani va txi ganga matshanzu a mindonga, ve ma atetela ha nzila.

Marku 11:7

Sekoko, va to neha tximbongolana ka Jesu; ve kapekela tinguwo tawe txitimwi ka txona, se Jesu e txi gadha.

Marku 11:9

Ava va nga ti thangete masoni kwakwe ni va va nga ti londetela ngu msana, va txi kwangula va txi kha vona: “Hozana! A na dhumiswe awule a tako ngu ditina da Mkoma!