Marku 11:33 - Bhiblia Yo Sawuleka

³³ Se va to mu xamula Jesu va txi kha vona: “Kha hi ti zivi.” Konaho Jesu a to xamula, a txi khene kwawe: “Nani kha ni na mbi mi gela mtamo wu ni mahako ngu wona tiya.”

Marku 11:33 Referans Kwoze

2 Vakorinto 3:15

Ina, kala ni nyamsi, ngako ku txi gondwa timhaka ta Mosi; nguwoyo ya txitsivelo yi ngadi zumbile timbiluni kwawe.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Johani 9:27

Ene a va xamute a txi khene: “Ni wombile, mi txi tiengisa, i mhaka muni mi lavako ku tiengisa kambe kani? Kasi na nanu mi lava kumaha vagondiswa vakwe kani?”

Johani 3:10

Jesu a to mu xamula a txi khene: “Awe u m'gondisi wa Israyeli, se khu ti zivi timhaka tiya kani?

Matewu 21:27

Se va to angula ka Jesu va txi kha vona: “Kha hi ti zivi.” Sekoko, nene a nje khene: “Nanani kha ni na mbi mi gela ti to ni maha tiya ngu mtamo muni.”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Jobe 5:13

Txa bzweta titxhari ka wutxhari wa tona tipune; se e wiswa silayelo sa vo biha.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Marku 11:32

Aniko, ngako hi txi khathu: ‘Wu ta ngu ka vathu!’ ” Va ti thava vathu, nguko votshe va ti kha vona, ngu ditshuri, Johani mprofeti.

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.