Marku 11:3 - Bhiblia Yo Sawuleka

³ Ngako m'thu wokari a txi mi wotisa tito, ‘Mi txi thukunyulela txani’, mi na khanu: ‘Mkoma ngene a txi lavako, a na kuluveta ku txi tshumeta txi wuya kona hawa.’ ”

Marku 11:3 Referans Kwoze

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Mithumo 17:25

kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

Marku 14:15

Ene a na mi komba wukhalo wa hombe nyumbani, wu ku txitezini, amuwa ku nga longiselwa, ku txi tshuriselwa. Mi na ya hi longisela kona.”

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Marku 11:2

a txi va gela a txi khene: “Tsulani ka m'ti wule wu ku masoni kwanu. Mbimo yi mi no wulela, mi na ya mana tximbongolana txi di sungilwe, atxi txi sinziko kugadhwa ngu m'thu. Txi thukunyuleni mi wuya natxo.

Marku 11:4

Vona va to tsula veya mana tximbongolana hahanze, txi di sungilwe masoni ka ditimba, hafuhi ni nzila, se ve txi thukunyula.