Marku 11:23 - Bhiblia Yo Sawuleka

²³ Kha ditshuri ni khani kwanu: Mmwani ni mmwani a no womba ka txitunga txiya, a txi khene: ‘Khukha u ya ti rinza lineneni’, na asi kanakani mbiluni kwakwe, kambe a txi kholwa ti ta ku ati a ti wombako ti na maheka, a na mahelwa tona.

Marku 11:23 Referans Kwoze

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Johani 15:7

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Masalmo 37:4

Veka ka Mkoma minavelo yako ene a na kuninga kuxuva ka mbilu yako.

Johani 14:13

Se sotshe si mi no kombela ngu ditina dangu, ni na si maha, kasiku Tate e dhumiswa ka Mwanana.

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Matewu 14:13

Ngako Jesu a di engisile tiya, a to khukha konaho ngu ngalava e tsula ka wukhalo wa txiwula ene ekhalela; aniko vathu, mbimo yi va nga tiengisa, va to khukha ve mu londeta ngu minenge, va txi khukhela mitini kwawe.