Marku 11:20 - Bhiblia Yo Sawuleka

²⁰ Ni mixo, ngako va txi pinda, va to wona mndonga wa mkuwu wu di omile wotshe, kukhukhela mikolotini.

Marku 11:20 Referans Kwoze

Matewu 15:13

Ene a to va xamula a txi khene: “Sotshe so phaywa, asiya si nga mbi phaywa ngu Tate wangu wa nzumani, si na dulwa.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Marku 11:14

Se Jesu a to womba ka mkuwu, a txi khene: “Kukhukhela konkuwa, ku nga ve ni m'thu wu a dyako mihando yako kala kupinduka.” Vagondiswa vakwe va ti tipfa.

Matewu 13:6

Aniko mbimo yi ditambo di nga huma, mbewu yi to hya ngu lisani, yi oma, nguko yi si nga ni mikuluti.

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

Vahebheru 6:8

Aniko, mafu awa ma humisako mipa ni tikwakwati ma na rukwa, me gwita ngu kuhiswa.

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Matewu 21:18

Mbimo yi Jesu a nga ti wuya didhoropani, ni mixo ngutu, a to pfa nzala.

Marku 11:12

Mangwanani ka kona, ngako va txi huma ngu Bhetaniya, ene a to pfa nzala.

Jobe 8:17

mikoloti yakwe ya hoka txisimani; yi maha txiduko ka marigwi;