Marku 11:14 - Bhiblia Yo Sawuleka

¹⁴ Se Jesu a to womba ka mkuwu, a txi khene: “Kukhukhela konkuwa, ku nga ve ni m'thu wu a dyako mihando yako kala kupinduka.” Vagondiswa vakwe va ti tipfa.

Marku 11:14 Referans Kwoze

Matewu 21:19

Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Matewu 7:19

Mndonga wuhi ni wuhi wu si velekiko mihando ya yinene, wu na gangwa wu vinzwa ha mndiloni.

Matewu 3:10

Kambe ndzanga yi vekilwe ha mikolotini ka mindonga. Ngu toneto, mndonga wuhi ni wuhi wu si velekiko mihando ya yinene, wu na gangwa wu tshotshwa ha mndiloni.

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

Matewu 21:44

[Awule a no wela txitimwi ka dirigwi diya a na bhandekela e khatukela; awule a no welwa ngu dona, a na phwaraselwa.”]

2 Pedro 2:20

Ngu toneto, ngako vathu msana ka kuva va di hulukile ka nzambwa ya ditiko ngu kuziva Mkoma wathu Jesu Kristu, se ve tshumela da wumbidi va txi tumela kuxulwa ngu yona nzambwa yileya, mahanyelo awe o gwitisa ma nava o biha ngutu kupinda o khata.

Matewu 21:33

“Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Marku 11:13

Ngako a txi wona, a di kule, mndonga wa mkuwu, awu wu ku ni mazokoro, a to hambuka eya wona ku mwendo a nga mana txo maha ka wona, aniko ngako a di hokile ka wona, kha mana txilo hahanze ka ona mazokoro dwe, nguko i nga si nga mbimo ya makuwu.

Marku 11:15

Se ve hoka Jerusalema. Ku ti ngako Jesu a di wulete Dithepeleni, a to khata kutovela ava va nga ti xavisa ni va va nga ti xava Dithepeleni. A to khubhunyeta timeza ta vatxitxi va male ni sikalo sa vaxavisi va situvane.