Marku 11:13 - Bhiblia Yo Sawuleka

¹³ Ngako a txi wona, a di kule, mndonga wa mkuwu, awu wu ku ni mazokoro, a to hambuka eya wona ku mwendo a nga mana txo maha ka wona, aniko ngako a di hokile ka wona, kha mana txilo hahanze ka ona mazokoro dwe, nguko i nga si nga mbimo ya makuwu.

Marku 11:13 Referans Kwoze

Matewu 21:19

Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Luka 10:31

Sekoko, a to thuka e pinda ngu yona nzila yile mphaxeli wokari; aniko ngako a di mu woni, a to vayilela.

1 Samuwele 6:9

Sekoko wonani: Ngako txi txi kwelela ngu nzila ya m'hingano wa kuya Bheti-Semi, ngu txona Txizimu txi nga hi vangela dikhombo diya da hombe; ani i si ngeto, hi na tiziva taku dianza dakwe kha da hi gwesa, ni ti taku eto ti to hi humelela dwe.

Rute 2:3

A to tsula koko, eya roletela sitxatxa thembweni, ngu msana ka vaeluli; se a to kateka, e mana didhawa da thembwe ya Bhowazi, i nga ti ti wa liveleko la Elimeleki.

Isaya 5:2

Se a to dima e thavisela marigwi, e phaya mivhinya ya yinene ngutu; e aka txitezi hagari ka thembwe, a txi kelela dipipa do kamela ka dona mihando, a txi verela ku yi veka mihando ya yinene; aniko yi to veka mihando yo bava.

Marku 11:12

Mangwanani ka kona, ngako va txi huma ngu Bhetaniya, ene a to pfa nzala.

Marku 11:14

Se Jesu a to womba ka mkuwu, a txi khene: “Kukhukhela konkuwa, ku nga ve ni m'thu wu a dyako mihando yako kala kupinduka.” Vagondiswa vakwe va ti tipfa.