Marku 10:5 - Bhiblia Yo Sawuleka

⁵ Jesu a nje khene kwawe: “Mosi a mi vekete mlayowo nguko mi ku vathu va timbilu ta kubanga.

Marku 10:5 Referans Kwoze

Matewu 19:8

Ene a xamute a txi khene: “Mosi, ngu mhaka ya kubanga ka timbilu tanu, a mi tumelete kutovela vasikati vanu, aniko kukhatani i ti si nga toneto.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Dhewuteronome 31:27

Nguko ani na di ziva dihanyo dako da wuhurupha ni kukanyisa kwako; hambi nyamsi, ni ku ngadi ni txi hanya kumweko ni nanu, mi ku siphukuphuku ka Mkoma; se mi na txani, ngako ni di fite kani?

Dhewuteronome 9:6

Ti zive koko tito, Mkoma, Txizimu txako, kha ku ningi walo ditiko diya da dinene, di maha dako, nguko anu va ka Israyeli, mi vathu va misungo yo banga.

Dhewuteronome 24:1

Ngako wamwamna a txi teka msikati wokari, a txi maha totshe tifaneko ta kutekana nayo, aniko ngu msana asi mtsakisi, ngu kuva a di tumbute mhaka yo mbi mtsakisa kwakwe, ene a fanete ku m'bhalela dipapilo do hambana nayo a txi mninga, kasi e mu humisa m'tini kwakwe.