Marku 10:49 - Bhiblia Yo Sawuleka

⁴⁹ Se Jesu a to ema, a txi khene: “M'dhaneni!” Vona va to m'dhana wule wa dibhofu, va txi mu gela va txi kha vona: “Tsana msana, khukha, ene wa kudhana!”

Marku 10:49 Referans Kwoze

Luka 18:40

Sekoko Jesu a to ema, a txi khene va na mu tise kwakwe. Ku ti ngako a di hafuhi, a to mu wotisa a txi khene:

Johani 11:28

A di wombile tiya, a to khukha eya dhana mwanawe Mariya, a txi mu gela ngu malengo a txi khene: “M'gondisi a bwakile, wa kudhana.”

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Masalmo 145:8

Mkoma a ni wunene ni wumbilu; wa timisela kambe a ni kutsetsa.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Marku 10:50

Ene a to tshotsha nguwo yakwe, a so lepu a ya ka Jesu.