Marku 10:48 - Bhiblia Yo Sawuleka

⁴⁸ Vavangi va ti ti mu kawuka va txi a na malale, kambe ene a so tamarisa a txi kwangula ngu mtamo a txi khene: “Mwanana wa Dhavhidha, hinga ni mahela wumbilu!”

Marku 10:48 Referans Kwoze

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Luka 18:39

Se ava va nga ti thangete masoni va to mu kawuka, va txi a na malale; kambe ene a to engeta e kwangula ngu mtamo a txi khene: “Mwana Dhavhidha, ni pfele wusiwana!”

Marku 5:35

Ene a di ngadi a txi womba-womba, ku to bwaka vathu va kuta ngu m'tini ka mthangeli wa disinagoga va txi kha vona: “Mwanana wako a fite; se u karatela txani kambe M'gondisi kani?”

Matewu 20:31

Se dibutho di ti ti va kawuka kasiku ve malala, aniko vona va to kwangula ngutu, va txi kha vona: “Mkoma Mwana Dhavhidha, hi pfele wusiwana!”

Matewu 19:13

Sekoko, va to tiswa kwakwe vanana kasiku e va sanzeka manza ni ku va kombelela; se vagondiswa va txi va tsimbisela.

Jeremiya 29:13

Mi na ni lava, mi na ni mana ngako mi txi ni lava ngu mbilu yanu yotshe.

Masalmo 62:12

Ni wona wunene mbwako, Mkoma u hakelako m'thu, madingano ni mithumo yakwe.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Matewu 9:27

Ngako Jesu a di khukhile konaho, mabhofu mambidi ma to mlondisa, ma txi kwangula ma txi khene: “Mwanana wa Dhavhidha, hi pfele wusiwana!”

Marku 10:13

Vathu va to mu tisela sivananana kasiku e si gwesa, kambe vagondiswa va to va tsimbisela.