Marku 10:45 - Bhiblia Yo Sawuleka

⁴⁵ Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Marku 10:45 Referans Kwoze

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Johani 13:14

Se ngako ani ni ku M'gondisi ni Mkoma, ni nga mi sambisa mikondo, na nanu mi fanela kusambisana mikondo ngu txanu.

Johani 10:15

Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu.

Vahebheru 5:8

Ene, hambiko i ku Mwanana wa Txizimu, ka sixaniso sakwe, a gondile nzila ya kuengisisa.

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Marku 10:44

ani wule a lavako kumaha mthangeli a na ti mahe txithumi txa votshe.