Marku 10:23 - Bhiblia Yo Sawuleka

²³ Sekoko Jesu a to rumaruma, e gela vagondiswa vakwe a txi khene: “Ta karata ngutu ta tinene kuwulela Mfumoni ka Txizimu avale va ku ni tithomba.”

Marku 10:23 Referans Kwoze

1 Vakorinto 1:26

Ngu toneto, vanathu, pimisani ati mi nga dhanelwa tona ngu Txizimu: Hagari kwanu kha ku nga ho vazivi vavangi ngu mapimiselo a txithu, hambi va mtamo, hambi va i ku sivelekwa.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Luka 18:24

Ku ti ngako Jesu a di woni ti to ana ni dikhodho ngutu, a ti khene: “Ta karata ka va va ku ni tithomba kuwulela Mfumoni ka Txizimu.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

2 Pedro 1:11

Ngu yoneyo nzila, mi na tulelwa diphango da wukoma wo mbi guma wa Mkoma wathu ni Muhanysi wathu Jesu Kristu.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Marku 5:32

Kambe ene a to gula maso a txi rumarumela ngu kulava kuziva ti to i mani a nga maha tiya.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Jobe 31:24

Ngako ni ti vekile themba yangu ka nzalama, ni kungako ni ti wombile ka nzalama ku khani: Awe u themba yangu;

Marku 10:22

Aniko m'thu wule a to thuvika khohe ngu kuengisa mapswi awa, a txi khukha e tsula ngu kupandiseka, nguko i ti nyatithombe.