Marku 10:22 - Bhiblia Yo Sawuleka

²² Aniko m'thu wule a to thuvika khohe ngu kuengisa mapswi awa, a txi khukha e tsula ngu kupandiseka, nguko i ti nyatithombe.

Marku 10:22 Referans Kwoze

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

2 Vakorinto 7:10

Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.

Luka 18:23

Aniko, ene, ngako a txi pfa timhaka tiya a to telwa ngu dikhodho ngutu, nguko i ti nyatithombe ngutu.

Matewu 19:22

Ngako a txi engisa tiya, awule wa dijaha a to tsukula e khukha, nguko a ti ni tithomba.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Marku 6:26

Mfumeli a to karateka ngutu, kambe e tandeka ku mu lambela ngu mhaka ya kuxambanya kwakwe, ni mhaka ya va a nga ti zumbile navo ha sakudyani.

Matewu 27:3

Sekoko, Judha, awu a nga mningela, a di woni ti to Jesu a abanisetwe kufa, a to ti laya se e tshumeta male yile ya magumi mararu, ya silivhela, ka vaphaxeli va hombe ni madhota a ditiko,

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Marku 10:21

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”

Marku 10:23

Sekoko Jesu a to rumaruma, e gela vagondiswa vakwe a txi khene: “Ta karata ngutu ta tinene kuwulela Mfumoni ka Txizimu avale va ku ni tithomba.”