Marku 10:20 - Bhiblia Yo Sawuleka

²⁰ Ene a to mu xamula a txi khene: “M'gondisi, totsheleleto ani ni ti veketile, kukhukhela ha wananani kwangu.”

Marku 10:20 Referans Kwoze

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

Vafilipiya 3:6

ngu mu ka kukhutala, ni mxanisi wa Dibanza, ngu mu ka wululami wa Mlayo, ni maneka ni si nga ni mnandu.

Varoma 7:9

Ni hanyile kale na ku si nga ni mlayo; kambe, ngako wu di bwakile mlayo, txionho txi to wuka;

Matewu 19:20

Awule wa dijaha, a to angula, a txi khene: “Totsheleleto ni ti veketile kukhukhela ha wananani kwangu. Nji txani kambe txi nga sala kani?”

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.

Ezekhiyele 5:14

Kambe ni na kumaha txiwula ni txisekiso hagari ka matiko ale ma nga kurandela, na va txi kuwona votshe vale va pindako.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Marku 10:21

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”