Marku 10:2 - Bhiblia Yo Sawuleka

² Vafarisi va to tshuketela hafuhi kwakwe va txi mu wotisa, ngu ku mu duka, va txi kha vona: “Ina wamwamna a nga sikota kutovela msikati wakwe kani?”

Marku 10:2 Referans Kwoze

Johani 8:6

Va wombile tiya, ngu ku mu riyela, kasiku ve sikota kumana mhaka ya ku mu mangalela ngu yona. Aniko Jesu a to nama, a txi bhala ha mafuni ngu litiho.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

1 Vakorinto 10:9

Hi nga dukeni Mkoma, nga vamwani va nga mu duka, se ngu toneto ve fa ngu kulumetelwa ngu minyoka.

Johani 11:57

Aniko, vaphaxeli va hombe ni Vafarisi va ti leletile tito, awu a ku zivako mu a ku kona, e va zivisa, kasiku veya mu ñola.

Johani 11:47

Se vaphaxeli va hombe ni Vafarisi va to tshangana, va txi kha vona: “Hi na maha txani ngu m'thu wuwa, eko a mahako sidiwukiso so tala, kani?

Johani 7:48

I mani ka va va hombe ni ka Vafarisi, a nga kholwa kwakwe kani?

Johani 7:32

Vafarisi va to engisa ku dibutho di nga txi ngurangura ngu mhaka yakwe: Konako vaphaxeli va hombe ni Vafarisi va to ruma mahalamu kuya mu ñola.

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Luka 11:39

Se Mkoma a txi khene kwakwe: “Kunene, anu Vafarisi mi kuwula m'hindo ni mbiya hahanze ka sona, kuve mndani mi tate ngu kupa ni tshofu.

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Luka 6:7

Vaphaxeli ni Vafarisi va to mu wonetela, kasi kuwona ti to mwendo a na hanyisa ngu Sabbata kani, ti to va na mana txi va no mu mangalela ngu txona.

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Marku 8:15

Se e va laya a txi khene: “Ti woneleni, mi thava mtshumbelo wa Vafarisi ni mtshumbelo wa Herodha!”

Marku 8:11

Se Vafarisi va to huma ve khata kukanetisana nayo, ve kombela txikombiso txi txi humako nzumani, ngu ku mu duka.

Matewu 22:35

se mmweyo wa vona, i nga ti txizivi txa mlayo, a to mu duka ngu txiwotiso a txi khene:

Matewu 19:3

Sekoko Vafarisi, ngu kulava ku mu duka, va to ta kwakwe, va txi ta kha vona: “Ina ta tumeleka ka wamwamna kutovela msikati wakwe ngu mhaka yihi ni yihi kani?”

Matewu 16:1

Vafarisi ni vabhali va to ta kwakwe, va ta mu duka, va txi mkombela ti to e va kombisa txidiwukiso txa kuta ngu nzumani.

Matewu 15:12

Sekoko vagondiswa va to mtshuketela va txi kha vona kwakwe: “Ina wa tiziva ti to Vafarisi va khuvekile, ngako va di engisile dipswi diya dako kani?”

Matewu 9:34

Aniko Vafarisi va txi kha vona: “Ene a tovela madhimoni ngu mtamo wa mkoma wa madhimoni.”

Malakiya 2:16

Nguko Mkoma, Txizimu txa ka Israyeli, a khene: Na vengela kulekana, ni wule a sisako kulwisana ngu syambalo sakwe, kuwomba Mkoma wa Mabutho a Tiyimbi; ngu toneto, ti xayiseni mimoyani kwanu, kambe mi nga lekeni mlayo.

Marku 10:1

Jesu ku ti ngako a di khukhile koneho, eya ditikoni ka Judheya, mtxhatuko ka Jordhani, vathu vavangi va to ta sengeletana kwakwe.

Marku 10:3

Ene a to angula a txi khene “Mosi a mi layisile kutxani?”