Marku 10:17 - Bhiblia Yo Sawuleka

¹⁷ Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Marku 10:17 Referans Kwoze

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Luka 10:25

M'gondisi wokari wa Mlayo, a to khukha a txi mu duka ngu mapswi awa: “M'gondisi, nji txani ni fanelako ku txi maha, kasiku ni mana wutomi wo mbi guma kani?”

Mithumo 16:30

Se ngako a di va humisile hahanze, a to khene kwawe: “Vanyamne, nji txani ni fanelako ku txi maha kufela ku ni hulukiswa kani?”

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Mithumo 20:32

“Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Matewu 17:14

Ngako va di hokile ka dibutho, mmweyo wa mwamna a to mtshuketela hafuhi kwakwe, a txi mu khizamela, a txi khene kwakwe:

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Marku 12:14

Vona va to ta kwakwe va txi kha vona: “M'gondisi, ha tiziva ti taku u womba ti ti nga tsana ni ti taku khu thavi m'thu, nguko khu sawuli tikhohe ta vathu; aniko u gondisa nzila ya Txizimu ngu ditshuri. Ina hi na ni fanelo yo humisa mkhupo ka Khezari mwendo hi nga tona kani? Ha khupa mwendo kha hi khupi kani?”

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Marku 1:40

M'thu wa tshekela a to ta kwakwe, e ta khizama a txi mkombela, a txi khene: “Ngako u txi ti lava, u nga ni basisa.”

Matewu 28:8

Se vona va di khukhile ha diyivani ngu kukuluveta, na va di tate ngu kuthava ni litsako la hombe, va to tutuma veya zivisa vagondiswa vakwe.

1 Johani 2:25

Txithembiso txi a nga hi mahela ngu txiya: Wutomi wo mbi guma.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Marku 10:18

Jesu a to mu angula a txi khene: “I mhaka muni u txi ni womba ti to ni wamnene kani? Kha nga ho wu i ku wamnene, hahanze ka Txizimu.

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

1 Pedro 1:4

Kasi hi va ni thomba yo mbi sina, ayi yi si sikotiko kunyetwa ngu txilo, mwendo kuwuna, ayi yi nga vekelwa anu nzumani;