Marku 10:14 - Bhiblia Yo Sawuleka

¹⁴ Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Marku 10:14 Referans Kwoze

Matewu 19:14

Aniko Jesu a wombile kwawe, a txi khene: “Lekani sivananana, mi nga si tsimbiseleni kuta kwangu, nguko Mfumo wa nzumani wu lumba vo nga sona.”

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Matewu 18:4

Ngu konaho, awu a no ti veka hahatshi a txi fanana ni mwanana wuwa wam'dotho, ngene a no va i di wa hombe Mfumoni ka nzumani.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Mtuletelo 14:5

Txima kha kuzivi kumanwa makuhu sisofuni kwawe. Kha va nga ni txisolo.

2 Timoti 1:5

Na khumbula likholo lo mbi kanganyisa li ku kwako, i ku likholo limwelo ni li li nga ti ni kokwani wako Loyidhe ni mame wako Eunise, ali ni thembako ti to li ho kwako nawe.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

1 Vakorinto 7:14

Nguko wamwamna wo mbi kholwa wa sawulekiswa ngu msikati; se wamsikati wo mbi kholwa wa sawulekiswa nene ngu mwamna. I si nga eto, vanana vanu va ndi nava va nzambwa; kupheti vona mbasawuleki.

Varoma 11:28

Kha ditshuri, ngu didhawa da Evhangeli, mbalala, ngu mhaka yanu. Kambe ngu didhawa da kusawulwa, nzirandwa ngu mhaka ya vakokwani vawe;

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Mithumo 3:25

Nganu mi ku vanana va vaprofeti ni va txitumelelano txiya Txizimu txi nga txi maha ni vatate vathu ngako txi txi womba mapswi awa ka Abrahamu: ‘Ngu konaho ka liveleko lako, totshe tixaka ta mafu ti na katekiswa.’

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Marku 8:33

Aniko Jesu a to tshembereka e wonetela vagondiswa, e kawuka Pedro, a txi khene: “Khukha masoni kwangu, Sathani! Khu khatali ngu timhaka ta Txizimu, u khatala ngu timhaka ta vathu.”

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Masalmo 78:4

Kha hi na mbi sisela situkulwana sathu; totshe hi na xawutela ka tiveleko ti titako ta kupfaliswa ka Mkoma ni mtamo wakwe ni ta sidiwukiso si ene a nga si maha.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Mitengo 14:31

Aniko vanana vanu, avale mi ku khanu va na ya tekwa ve maha tikhumbi, ngu vona ni no va maha ve wulela; se va na ya ziva ditikodo anu mi ngadi lamba.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

1 Samuwele 1:22

Hambi keto, Ana kha kwelela, aniko a to khene ka mwamna wakwe: Mbimo yi mwanana o no lumulwa, sekoko, ni na mteka kasi ku eya woneka masoni ka Mkoma, se koneyo a na ya zumba kona yotshe mbimo.

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Matewu 5:10

Va katekile ava va xaniswako, ngu kumaha kuranda ka Txizimu, nguko Mfumo wa nzumani mbwawe!

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

Joxuwa 8:35

Kha ka maneka ni dipswi ni da dimwedo, ka totshe tile Mosi a nga ti leletile, di nga mbi gondwa ngu Joxuwa masoni ka wotshe msengeletano wa ka Israyeli, ni ka vavasikati, ni ka vafana, ni ka valuveli vale va nga ti ti hagari kwawe.