Marku 1:5 - Bhiblia Yo Sawuleka

⁵ Dotshe ditiko da Judheya ni votshe vathu va Jerusalema va ti ti ya kwakwe, veya bhabhatiswa votshe mnamboni ka Jordhani, va txi ti tshanza sionho sawe.

Marku 1:5 Referans Kwoze

Mithumo 19:18

Vavangi ka vale va nga ti amukete likholo, va ti ta, va ta ti sola ni kulandula ati va nga ti maha kale.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Johani 3:23

Johani nene a ti bhabhatisa Enoni, hafuhi ni Salimi, nguko ku ti ni mati amangi koneyo, ni vathu vavangi va txi ya koneyo veya bhabhatiswa.

Johani 1:28

Atiya ti mahekile Bhetaniya, mtxhatuko ka Jordhani, ahawa Johani a nga txi bhabhatisa kona.

Matewu 4:25

Se dibutho da vathu votala di to mu londisela, na va txi humela Galileya ni Dhekapoli ni Jerusalema ni Judheya ni mtxhatuko ka Jordhani.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Marku 1:4

Se ene a to tsimbila ka dotshe ditiko da Jordhani, a txi txhumayela txibhabhatiso txa kuhunduluka, kasiku ve mana divalelo ya sionho.

Marku 1:6

Johani a ti ambate didhowo da dikamelu, e ti sunga txiwunu ngu libhande la didhowo, a txi dya humbi ni wulombe wa txitinga.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.