Marku 1:40 - Bhiblia Yo Sawuleka

⁴⁰ M'thu wa tshekela a to ta kwakwe, e ta khizama a txi mkombela, a txi khene: “Ngako u txi ti lava, u nga ni basisa.”

Marku 1:40 Referans Kwoze

Matewu 17:14

Ngako va di hokile ka dibutho, mmweyo wa mwamna a to mtshuketela hafuhi kwakwe, a txi mu khizamela, a txi khene kwakwe:

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

2 Vafumeli 15:5

Se Mkoma a to peka mfumeli, eva ni tshekela kala ka ditshiku da kufa kwakwe, na a txi zumba ka nyumba ya didhawa; ngu kumaha keto, Jothamu mwanana wa mfumeli, ngene a nga ti nyumbani ka wukoma, a txi lamula vathu va ditiko.

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Vaefesu 3:14

Ngu toneto, na khizama masoni ka Tate,

2 Makronika 6:13

Nguko Solomoni ati mahile txikadha txa koporo, txi ku ni mtxhanu wa mikono ya kulapha ka txona, ni mtxhanu wa mikono ya kuanama, ni mikono yiraru ya kudemba, e txi veka hagari ka mtendela, se e kwela ka txona e khizama ngu mazolo masoni ka wotshe msengeletano wa Israyeli, e guleta mawoko akwe me komba nzumani.

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”