Marku 1:4 - Bhiblia Yo Sawuleka

⁴ Se ene a to tsimbila ka dotshe ditiko da Jordhani, a txi txhumayela txibhabhatiso txa kuhunduluka, kasiku ve mana divalelo ya sionho.

Marku 1:4 Referans Kwoze

Johani 3:23

Johani nene a ti bhabhatisa Enoni, hafuhi ni Salimi, nguko ku ti ni mati amangi koneyo, ni vathu vavangi va txi ya koneyo veya bhabhatiswa.

Matewu 3:6

Va txi bhabhatiswa ngu ngene mnamboni ka Jordhani, va txi ti tshanza sionho sawe.

Luka 1:77

Kasi kuzivisa kuhanyiswa ka vathu vakwe ni kudivalelwa ka sionho.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Mithumo 10:37

Anu ma tiziva ti ti nga maheka ka dotshe ditiko da Judheya, kukhukhela Galileya, msana ka kubhabhatiswa kuwa ku nga txhumayelwa ngu Johani;

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Marku 1:5

Dotshe ditiko da Judheya ni votshe vathu va Jerusalema va ti ti ya kwakwe, veya bhabhatiswa votshe mnamboni ka Jordhani, va txi ti tshanza sionho sawe.