Marku 1:32 - Bhiblia Yo Sawuleka

³² Minovani ka kona, mbimo yi di nga swa ditambo, va to tisa ka Jesu votshe valwali ni va va nga ti ni madhimoni.

Marku 1:32 Referans Kwoze

Matewu 8:16

Ni minova va to neha kwakwe vavangi, ava va nga ti ni madhimoni, se ene a to ma tovela ngu dipswi dakwe, e hanyisa votshe va va nga ti lwala;

Luka 4:40

Ngako di txi swa ditambo, votshe va va nga txi lwala ngu wulwati wuhi ni wuhi, va ti tiswa kwakwe, se e sanzeka manza akwe txitimwi ka mmweyo ni mmweyo, a txi va hanyisa.

Marku 3:2

Se vona va ti mu wonetela ngu kulava kuziva ti to mwendo a na mu hanyisa, kufela kuve sikota ku mu mangalela.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Marku 1:21

Se va to wulela Kapernawume. Ngu ditshiku da Sabbata, Jesu a to wulela disinagogani, a txi gondisa.

Matewu 8:17

Kasi kutatiseka ati ti nga wombwa ngu mprofeti Isaya, a txi khene: “Ene a tekile sikarato sathu, a txi rwala ni malwati athu.”

Marku 1:31

Sekoko ene a to tshuketa a txi mñola ngu diwoko a txi mu wusa; txindeyandeya txi to mu leka, se ene e khata ku va thumela.

Luka 4:41

Madhimoni ma to huma ka votala, me huwelela ma txi: “Awe u Mwanana wa Txizimu.” Kambe Jesu a to ma dhusa e ma tsimba kuwombawomba, nguko ma ti m'ziva ta tinene ti to ngene Mesiya.