Marku 1:3 - Bhiblia Yo Sawuleka

³ Nga ti ti nga bhaliswa tona dibhukuni ka Mprofeti Isaya, a nga khene: “Dipswi da wule a kwangulako txiwulani di kha dona: ‘Longisani nzila ya Mkoma, lulametani maphango akwe.’ ”

Marku 1:3 Referans Kwoze

Matewu 3:3

Johani ngene wu a nga wombwa ngu mprofeti Isaya, a txi khene: “Dipswi da wu a huwelelako txiwulani di kha dona: Longiselani nzila ya Mkoma lulamiselani magondo akwe.”

Johani 1:15

Johani wa fakaza ngu ngene, a txi khene: “Ngene wu ni nga ti mu womba ni txi khani: ‘Awu a tako msana kwangu, ngene i ku wo khata, nguko Ene a ti ti ho ni sanzi ku va ho ani.’ ”

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Luka 3:2

se Anasi ni Kayifasi i di Vaphaxeli va hombe, Txizimu txi wombawombile ka Johani, mwana Zakariya, a nga ti txiwulani.