Marku 1:27 - Bhiblia Yo Sawuleka

²⁷ Se votshe va txi diwuka ngutu, va txi wotisana va txi kha vona: “Nji txani txiya kani? I gondo ya yiphya! Hambi mimoya ya nzambwa ene a yi dhusa ngu mtamo, yi txi mu engisa!”

Marku 1:27 Referans Kwoze

Luka 9:1

Jesu, adi sengeletile vale va digumi ni vambidi, a to va ninga mtamo ni wukoma txitimwi ka madhimoni otshe ni mtamo wa kuhanyisa malwati.

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Matewu 15:31

Ahawa ka kuva mabutho ma txi xamala ngu kuwona siduma si txi womba-womba, mabhofu ma txi wona. Se ve dhumisa Txizimu txa Israyeli.

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

Luka 4:36

Se ve xamala votshe, va txi wotisana va txi kha vona: “Ti womba txani tona tiya, kani? Ene a ruma mimoya ngu txikomakoma ni nyala, se yi huma!”

Marku 10:32

Ngako va di ngadi ha nzila, va txi kwela kuya Jerusalema, Jesu a to thangela masoni kwawe. Vona va ti xamala, ve mu londetela na va txi thava. Se ene a to engeta eya phuho ni va digumi ni vambidi a txi khata ku va gela ati ti no mu humelela, a txi khene:

Marku 10:24

Vagondiswa va to xamala ngutu ngu mapswi akwe. Kambe Jesu a to engeta a txi khene: “Vanavangu, ti karatile ngutu kuwulela Mfumoni ka Txizimu!

Matewu 8:9

Nguko nani ni m'thu wu ni fumwako, na ni di ni masotxhwa, ni ma fumako nani, se ni txi womba ka mmweyo ni txi khani: ‘Tsula’ ene wa tsula; ni txi ka mmwani: ‘Ngono’ ene wata; ni ka txithumi txangu, ni txi khani: ‘Thuma tiya’ ene wa ti thuma.”

Marku 1:26

Sekoko moya wa nzambwa, msana ka ku mu zuzazuza, wu to peka huwa wu txi huma ka m'thu wule.

Marku 1:28

Kunukunuko nduma yakwe yi to hangalaka ka otshe makhalo a Galileya.

Marku 16:5

Va di wulete diyivani, va to wona dijaha di di khalahatshile, didhawa da txinene, di di ambate nguwo yo basa, se ve xamala ngutu.

Marku 16:6

Kambe dijaha di to va gela di txi kha dona: “Mi nga dhukeni! Mi lava Jesu wa Nazareta, awu wo bethelwa ha txihambanoni: A wukile, kha nga ho hawa. Wonani wukhalo wu va nga ti mu vekile ka wona.

Mithumo 17:19

Se ve mñola, ve mu yisa dibanzani ka Areyopago, va txi kha vona: “Ina hi nga yi ziva ti to i gondo muni ya yiphya, yi u yi wombako kani?