Marku 1:22 - Bhiblia Yo Sawuleka

²² Kambe va ti xamala ngu gondo yakwe, nguko a ti va gondisa nga wu a ku ni mtamo, asi fanani ni vabhali.

Marku 1:22 Referans Kwoze

Matewu 13:54

Se a di hokile ditikoni kwawe, a ti gondisa masinagogani kwawe, ahawa koza ve xamala, va txi kha vona: “Ene a kumana hani kuziva kuwa ni sidiwukiso siya kani?

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Luka 4:32

Vona va ti xamala ngu kugondisa kwakwe, nguko dipswi dakwe di ti ni mtamo.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Marku 1:23

Sekoko, a ti ti ho, kona disinagogani mule kwawe, m'thu wu a nga ti wuleletwe ngu moya wa nzambwa, awu a nga kwangula a txi khene:

Luka 2:47

Votshe vale va nga txi mu engisa va to xamala ta tinene ngu wuzivi wakwe ni tixamulo takwe.