Marku 1:21 - Bhiblia Yo Sawuleka

²¹ Se va to wulela Kapernawume. Ngu ditshiku da Sabbata, Jesu a to wulela disinagogani, a txi gondisa.

Marku 1:21 Referans Kwoze

Marku 6:2

Ngako di di hokile ditshiku da Sabbata, a to khata kugondisa disinagogani, se vathu votala, va nga mu engisa, va to xamala va txi kha vona: “Timhaka tiya a ti mana hani? Mbuzivi muni wona wuwa a nga ningwa ni sixamaliso si si mahwako ngu manza akwe, kani?

Marku 1:39

Ene a to tsimbila ngu dotshe da Galileya, a txi txhumayela masinagogani, a txi tovela madhimoni.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Mithumo 17:2

Se Paulo, ngako i ku toloveto yakwe, ati ya tshangana navo konemo, a txi heta Masabbata mararu, a txi bhulisana navo, ngu Mibhalo.

Mithumo 18:4

Se ngu otshe masiku a Masabbata a ti womba-womba disinagogani e kholwisa Vajudha ni Vagriki.

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

Luka 13:10

Jesu a ti gondisa disinagogani ngu ditshiku da Sabbata.

Luka 10:15

Awe Kapernawume, u na guletwa nzumani kani? Lambi! U na reletwa hahatshi Diphalani ka vafi.

Luka 4:16

Ene a to tsula Nazareta, ahawa a nga kulela kona, se ngu toloveto yakwe, a to wulela disinagogani ngu ditshiku da Sabbata, se a txi khukha a txi ema kasi kugonda dibhuku.

Marku 10:1

Jesu ku ti ngako a di khukhile koneho, eya ditikoni ka Judheya, mtxhatuko ka Jordhani, vathu vavangi va to ta sengeletana kwakwe.

Marku 2:1

Ku ti ngako ma di pindile masiku, Jesu a to tshumela e wulela Kapernawume, se ti txi pfala ti to ene a nyumbani.

Marku 1:20

Kunukunuko ene a to va dhana. Vona va to siya tate wawe Zebhedhewu kumweko ni sithumi mu ngalavani ve mu londisa.

Marku 1:29

Mbimo yi Jesu a nga huma ngu disinagogani, a to tsula kumweko ni Jakobe ni Johani nyumbani ka Simoni ni Andreya.

Marku 1:33

Vathu va dotshe didhoropa va ti ta sengeletana ha txikeni.

Marku 3:1

Jesu a to tshumela e wulela disinagogani. Konemo ku ti ni m'thu wa kukhwanyela dianza.

Luka 4:23

Ene a to va gela a txi khene: “Ngu ditshuri mi na womba kwangu divingu di diku: ‘Ñanga, ti hanyise upune.’ Totshe ti hi nga tipfa va txi kha vona u ti mahile Kapernawume, ti mahe ni kona muwa ditikoni kwanu.”