Marku 1:14 - Bhiblia Yo Sawuleka

¹⁴ Ku ti ngako Johani a di khotetwe mkorani, Jesu a to ya Galileya, eya txhumayela Evhangeli ya Txizimu, a txi khene:

Marku 1:14 Referans Kwoze

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Matewu 4:12

Ngako Jesu a di engisile ti to Johani a khotetwe, a to khukha e tsula Galileya.

Vaefesu 2:17

Ene a tete ku ta huwelela mhaka ya kudikha kwanu mi nga ti kule ni ka vale va nga ti hafuhi.

Luka 8:1

Msana ka toneto, ene a ti tsimbila madhoropani ni mu mitini a txi txhumayela ni kunuwela Evhangeli ya Mfumo wa Txizimu.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Matewu 9:35

Jesu a txi tsimbilatsimbila sidhoropanani ni mikhokholani, a txi gondisa masinagogani, e txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.

Mithumo 20:25

“Konkuwa na tiziva ti to kha mi na mbiswa mi txi wona khohe yangu, motshe ni nga zumba hagari kwanu ni txi txhumayela Mfumo wa Txizimu.

Matewu 14:2

a to gela malanda akwe, a txi khene: “Awuwa i Johani Mubhabhatisi a nga wuka ngu ka vafi; ngu konaho mtamo wu wa kumaha sidiwukiso wu thumako kwakwe.”

Luka 3:20

a to engetela, txitimwi ka totshe tiya, mhaka ya kusekela Johani mkorani.

Matewu 11:2

Se ngako Johani a di engisile mu ku khotelwani kwakwe, ta mithumo ya Kristu, a to rumela vagondiswa vakwe kuya wotisa kwakwe va txi kha vona:

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,