Marku 1:13 - Bhiblia Yo Sawuleka

¹³ Ene a ti ya fungala mune wa magumi a masiku txiwulani, a txi dukwa ngu Sathani. A ti ti hanya hagari ka sihari sa txitinga, se tingelozi ti txi mthumela.

Marku 1:13 Referans Kwoze

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Eksodha 34:28

Mosi a zumbile hafuhi ka Mkoma mune wa magumi a masiku asi dyi sakudya, hambi kusela mati, wusiku ni mitshikari. Se Mkoma a bhate aha ka sileti mapswi a txitumelelano, i ku sirumo sa digumi sa mlayo.

Matewu 26:53

Ina u pimisa ti to ni nga tandeka kukombela ka Tate wangu e ni rumela kunukunukuwa mitxawa ya tingelozi, ya kupinda digumi ni yimbidi kani?

Dhewuteronome 9:25

Ngu mhaka yeto, ani ni to khizama masoni ka Mkoma, ni ti veka hahatshi, ni heta mune wa magumi a masiku, ni mune wa magumi a wusiku, ni txi mi khongelela, nguko Mkoma a ti ti khene a na mi fuvisa.

Dhewuteronome 9:18

Ni to ti wisa kambe masoni ka Mkoma, nga txikhati txo khata, ni heta mune wa magumi a masiku, ni mune wa magumi a wusiku, ni sidyi dipawu, ni si seli mati, ngu mhaka ya txionho txiya txa hombe, txi mi nga txi maha, ngu kumaha ati i ku to biha masoni ka Mkoma, mi txi mu henyisa.

Dhewuteronome 9:11

Ku to maheka taku, msana ka mune wa magumi a masiku, ni mune wa magumi a wusiku, Mkoma e ni ninga sileti simbidi sa marigwi, sileti sa txitumelelano.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Eksodha 24:18

Se Mosi a to wulela hagari ka direfu, e kwela mmangoni; Mosi a to zumba mmangoni mune wa magumi a masiku, ni mune wa magumi a wusiku.

Matewu 4:1

Sekoko Jesu a to yiswa txiwulani ngu Moya wo Sawuleka, kasi a txi ya dukwa ngu Sathani.

Luka 4:1

Jesu, a di tate ngu Moya wo Sawuleka, a to khukha mnamboni ka Jordhani, a txi yiswa txiwulani ngu wona Moya wo Sawuleka, ahawa a nga ya zumba mune wa magumi a masiku,