Marku 1:1 - Bhiblia Yo Sawuleka

¹ Makhato a Evhangeli ya Jesu Kristu, Mwanana wa Txizimu.

Marku 1:1 Referans Kwoze

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Matewu 4:3

Sekoko m'duki a to tshuketa hafuhi kwakwe a txi khene: “Ngako u di Mwanana wa Txizimu, gela marigwi awa ti to me phinduka me maha mapawu.”

Matewu 14:33

Se ava va nga ti ngalavani, va to tshuketa ve mu khizamela, va txi kha vona: “Kha ditshuri u Mwanana wa Txizimu!”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Johani 6:69

Ngu toneto, athu ha tumela ni ku tiziva ti to awe u Msawuleki wa Txizimu.”

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Johani 1:34

Ni ti woni ngu maso angu, se na fakaza ti to Ene i Mwanana wa Txizimu.”

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Mithumo 13:24

Na Jesu a sinzi kuhumelela, Johani a to thanga e txhumayela ngu txibhabhatiso txi txi yisako kuhundulukani ka sionho ka yotshe ngamu ya ka Israyeli.