Malakiya 3:5 - Bhiblia Yo Sawuleka

⁵ Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Malakiya 3:5 Referans Kwoze

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Dhewuteronome 5:11

Khu na mbi khumbuka walo ditina da Mkoma, Txizimu txako, nguko Mkoma kha na mbi leka, asi tsayisi, awule a sakanako ngu ditina dakwe, walo.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Malakiya 2:14

Se mi txi khanu: Ngu txani kani? Nguko Mkoma i fakazi hagari kwako ni msikati wa wujaha wako, awule awe u nga mbi thembeka kwakwe, na kuve ngene mpangalati wako, i ku msikati wa txitumelelano txako.

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Levhi 20:27

Ngako wamwamna mwendo wamsikati a txi ya ka vanyamsoro, mwendo ka vanyatixolo, ngu ditshuri a fanete kufa, a na baliselwa ngu marigwi, mnoha wakwe wu na wa txitimwi kwakwe.

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Levhi 19:13

U nga xuphe mkwanu kambe u nga mpele sakwe; muholo wa mthumo wu a thumako u nga zumbe nawo manzani kwako, kala ditshiku da mangwana.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Varoma 3:8

Se ngu kutxani hi si mahi to biha kasiku ti txi humelela totshura, nga tiya vamwani va hi lumbetako va txi kha vona ngathu hi ti wombako kani? Kambe evo vo ngeto, kuabaniswa kwawe ka va fanela.

Mika 1:2

Engisani motshenu anu vathu, riya nzeve awe mafu, Mkoma Txizimu a nave fakazi ya ku mi wukela, ene Mkoma wu a ku dithepeleni kwakwe ko sawuleka.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Masalmo 81:8

Engisani, vathu vangu, sileleto sangu; oh idiku wo ni engisa, Israyeli!

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Eksodha 1:17

Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Luka 23:40

Aniko awule mmwani a to teka dipswi a txi mu kawuka, a txi khene: “Khu xoniphi Txizimu, hambiko nawe u manekako u di kona kuabaniswani kumweko nayo, kani?

Masalmo 36:1

Txionho txa womba-womba mbiluni ka m'thu wo biha. Kwakwe kha ku nga ho kuthava Txizimu.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

Isaya 57:3

Aniko tshuketani hawa, anu vanana va mloyi wa txisikati, anu liveleko la wugango ni wugelegele.

Jeremiya 5:2

Hambiko va ku kha vona: Mkoma a hanyako; vona va xambanya ngu makuhu

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Jeremiya 27:9

Ngu konaho, mi nga dhuke mi txi engisa vaprofeti vanu, ni vale vo hutetela, ni miloro yanu, ni mitimu yanu, hambi matiloti anu, ngako va txi womba kwanu, va txi kha vona: Mi nga thumeleni mfumeli wa Bhabhilona!

Jeremiya 27:10

Nguko makuhu va profetako kwanu, kasi ku mi txi huma ditikoni kwanu mi txi yiswa kule; kuva ni txi na mi tutumisa, mi txi ya lova.

Jeremiya 42:5

Sekoko vona va to kha vona ka Jeremiya: Mkoma ngene fakazi yathu ya ditshuri yo thembeka, ngako hi si mahi totshe ti Mkoma, Txizimu txako, a no kuruma ku ta hi gela tona.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Zakariya 11:12

Se ni txi khani ka tona: Ngako mi txi ti wona ti txi mi tsakisa, ni ningeni si si ni lumbako, i si nga tona, lekani. Se va to ni pimela hakhelo yangu, ya magumi mararu a male ya silivhela.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Eksodha 22:20

Awule a phaxelako ka simwani sizimu, i si nga ka Mkoma, a na dawa.

Dhewuteronome 15:13

Aniko, ngako u txi mleka e tsula, u nga mleke e tsula asi nga ni txilo manzani kwakwe.

Jobe 7:2

Kufana ni mhoti yi navelako mtsudi, ni ku nga txithumi txi verelako hakhelo ya txona,

Jobe 31:12

Nguko mndilo wu tshokomisa kala kufani, kambe wu ndi na lovisa sotshe si ni ku naso.

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?