Malakiya 3:2 - Bhiblia Yo Sawuleka

² Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Malakiya 3:2 Referans Kwoze

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Luka 3:17

Manzani kwakwe ana ni txiselo txa kusangaya, a na hehera fulaho ya txithatheni kwakwe, e yi sengeleta mu txisangalani kwakwe. Se a na hisa maphumbu ngu mndilo wo mbi timeka.”

Luka 3:9

Kambe nzanga yi vekilwe ha mikolotini ka mindonga; mndonga wuhi ni wuhi wu si velekiko mihando ya yinene, wu na wilwa wu rinzwa mndiloni.”

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Johani 8:55

kuve kha ma m'ziva; aniko ani na m'ziva. Ngako ni txi khani kha ni m'zivi, ni ndi nava wa makuhu kufana ni nanu. Aniko ani na m'ziva, se na veketa dipswi dakwe.

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Jeremiya 2:22

Hambi u nga samba ngu mirende, u pupumisela sephu yayingi, wubihi wako wu na woneka masoni kwangu, Ngene apune Mkoma a wombako.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Matewu 25:10

Ngako tona ti di tsute kuxavani ka mafura, mteki a to bwaka, se atile ti nga ti ti lulamisete, ti to wulela nayo m'busoni ka mtxhadho; se di sekwa ditimba.

Marku 9:3

Tinguwo takwe ti hinduka ti txi phatima, ti txi basa ngutu, ti to kha nga ho ha ditikoni awu a sikotako ku ti kuwula, ti txi basisa ku nga toneto.

Ezekhiyele 22:14

Ina mwendo mbilu yako yi na va yi di tsani kani? Manza ako ma nava ma di ni mtamo, ka masiku ale ni no ku tela kani? Ani Mkoma ni wombile, kambe ni na ti maha.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Luka 7:23

Kambe a katekile awu a no mbi mana txikhuvekiso ngu mhaka yangu.”

1 Samuwele 6:20

Sekoko vavamna va Bheti-Semi, va to kha vona: I mani a nga emako masoni ka Mkoma, Txizimu txiya txo sawuleka kani? Ni ku i mani kwathu a no kwelela kani?

Masalmo 76:7

Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.

Masalmo 130:3

Ngako awe Mkoma u txi londeta ngu sionho sathu, i mani a no tsana a txi ema kani Mkoma?

Mavingu 25:4

Thavisa nzambwa yi gololokako ha ka silivhela, kasiku muwumbi a na wumba ngu yona txiya.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Dhaniyeli 11:35

Vokari ka titxhari va na wa ve dukwa, ni kusawulekiswa, ve basa, kala magwito ka mbimo, nguko i nava i di ngadi mbimo ya kona.

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Genesisi 19:28

Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.