Malakiya 3:16 - Bhiblia Yo Sawuleka

¹⁶ Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Malakiya 3:16 Referans Kwoze

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Masalmo 56:8

Awe wa tiziva ti ni nga xanisekisa tona, u sengeletile mirongo yangu amu ka txiya, ina totsheto khwa bhala dibhukuni kwako, kani?

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

1 Vatesalonika 5:11

Ngu toneto, thavelelanani mi txi akisana, nga tona ti mi mahisako tona ni konkuwa.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Luka 2:38

Nene a to bwaka ka txonetxo txikhati, a txi dhumisa Txizimu ni kuxawutela timhaka ta Mwanana ka votshe vale va nga txi verela kuhulukiswa ka Jerusalema.

Esteri 6:1

Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

Isaya 65:6

Wona ti bhatwe masoni kwangu, taku: Kha ni na mbi malala; aniko ani ni na hakela, ni na rinza hakhelo masoni kwawe,

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Masalmo 147:11

Mkoma a dhunda avale va m'thavako, avale va thembako lirando lakwe.

Masalmo 139:4

Ani ni sinzi kutula txisofu txangu, awe wa tiziva ngu kale ati ni lavako kuwomba.

Masalmo 119:63

Na ti tshanganisa ni vale va kholwako kwako, ni vale va xayisako sileleto sako.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Masalmo 94:19

Hagari ka sikarato si si nga ni talela mapimoni kwangu, awe u ni khongotete, ni txi mana kutsaka.

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Masalmo 33:18

Mkoma ngene a xayisako ava va mthavako, avale va thembako wunene wakwe,

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Masalmo 16:3

Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Esteri 2:23

Va to xolisisa mhaka, se yi maneka ti to yi tsani; ngu wumbidi wawe va to hayekwa ve txikitwa. Eto ti bhatwe ka dibhuku da matimu, masoni ka mfumeli.

2 Makronika 6:7

Kambe Dhavhidha, tate wangu a alakanyile mbiluni kwakwe kuakela nyumba ditina da Mkoma, Txizimu txa Israyeli.

1 Vafumeli 18:12

Se ti ndi na maheka to, ni txi na khukha hawa kwako, Moya wa Mkoma wu txi kuteka, mwendo wu txi kuyisa hani, se ani ni txi tisa thenga ka Akabe, asi ku mani awe a na ni daya; ngukonaho, ani txithumi txako, ni thava Mkoma kukhukhela ka wufana wangu.

2 Samuwele 7:1

Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe,

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

1 Vatesalonika 5:14

Ha mi laya, vanathu, kawukani sindaka-milayo. Tsanisani ava va ku ni dizowa, vhunani ava va ku ni dikhodho, mi va ni kuhonisela ka votshe.

Masalmo 104:33

Ni na embelela Mkoma, otshe masiku a kuhanya kwangu; ni na dhumisa Txizimu txangu, ni di ngadi ni txi hanya.

1 Vafumeli 18:3

Se Akabe a to dhana Obhadhiya, mthangeli. (Se Obhadhiya a ti ni txithavo ngutu ka Mkoma,

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Masalmo 56:9

Ka ditshiku di ni no kukombela txivhuno, se valala vangu va txi tshumelela msana, ni na va ni tiziva ti to Txizimu txi ni nani.

Masalmo 115:13

a na katekisa vale va kholwako ka Mkoma, vavadotho ni vahombe.