Malakiya 3:11 - Bhiblia Yo Sawuleka

¹¹ Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.

Malakiya 3:11 Referans Kwoze

Dhewuteronome 11:14

ni na wuyisa mati ka ditiko danu, a kuwa ngu mbimo yi yi lavekako, mati a wuxika ni mati a mbimo ya minyuko. Ngu toneto, u nga sikota kuelula fulaho yako, ni vhinya yako, ni mtona wako.

Joyeli 2:22

Mi nga thaveni anu sihari sa txitinga, nguko wudyiselo wa txiwulani wu na va mkungu, nguko mindonga yi na ninga mihando ya yona, vhinya ni mkuwu si na ninga mtamo wa sona.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Joyeli 1:4

Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.

Hagayi 2:17

Ni mi dayisile ngu wuhya, ni maralala ni kukura, ka wotshe mthumo wa manza anu; kambe kha ka ngava ni wammweyo hagari kwanu a nga tshumela kwangu, kuwomba Mkoma.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Joyeli 1:7

Di mahile m'vhinya wangu wu fuviswa, se di kwamute mabanzi a mkuwu wangu, se di kwamulete otshe, di txi ma tshotsha hahatshi; madhavi a wona di ma kwalalisile.

Hoseya 2:21

Se ku na maheka ka dona ditshiku dile ani ni no xamula, kuwomba Mkoma, ani ni na xamula nzuma, kambe yona yi na xamula mafu.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Hagayi 1:11

Se ni tisile kuoma txitimwi ka mafu, ni txitimwi ka mimango, ni txitimwi ka fulaho, ni txitimwi ka mivhinya, ni txitimwi ka mafura, ni txitimwi ka sotshe asi mafu ma si humisako, kumweko ni txitimwi ka vathu, ni txitimwi ka sihari, ni txitimwi ka yotshe mithumo ya manza.